Festeavgift

Gravplasslova §21 seier at festeavgifta for graver vert fastsett av kommunen etter framlegg frå gravplassmyndigheita. Sogndal kommune vedtok i sak 110/24 punkt 9 at festeavgifta for ordinære kistegraver vert 400 kr per år frå 1.1.2025 og at avgifta frå og med 2026 vil verte auka årleg i tråd med auken i konsumprisindeksen.

Festeavgift for andre typar graver er fastsett som ein prosentsats av satsen for kistegrav.

Kor ofte betaler ein festeavgift?

Frekvens for innkrevjing av festeavgifter er fastsett i Forskrift om gravplassvedtekter, Sogndal kommune, Vestland gjeldande frå 4. april 2022.

• Ved feste av grav attmed ny, fri grav er festetida 20 år ved første gongs feste, dvs. når den første grava vert teken i bruk. I 2025 betaler ein dermed kr 8.000 for å reservere ei grav attmed fri grav i 20 år.
• I alle andre tilfelle vert det i Sogndal kravd inn festeavgift kvart femte år.

Bakgrunn: Kva er festeavgift?

Festeavgifta er ei avgift betalt av festar for å rå over ei grav på ein offentleg gravplass som ikkje er ei «fri gav». Ein «leiger» eit areal på gravplassen og får ein tids-avgrensa rett til å disponere dei festa gravene. Festaren bestemmer kven som skal gravleggast i den festa grava, kan montere gravminne, står som eigar av gravminnet og kan plante framfor grava om ynskjeleg.

Bakgrunn: Kvifor må ein betale festeavgift?

Festeavgifter er ei av dei få inntektskjeldene gravferdsmyndigheita har ved sida av den kommunale løyvinga. Med dagens finansieringsordning er inntektene frå festeavgifter heilt naudsynt for å finansiere drift og vedlikehald av gravplassane. Det var naudsynt å legge inn ein auke frå 2025 og årleg auke frå 2026 fordi utgiftene til drift og vedlikehald har auka kraftig dei siste åra, medan festeavgifta hadde stått uendra på 300 kr frå 2018 i tidl. Sogndal kommune og frå 2020 i nye Sogndal kommune.

Avgifter knytt til namna minnelund

Namna minnelund på Stedje kyrkjegard i Sogndal er eit alternativ til å ha eiga grav med gravstein. På namna minnelund kan ein setje ned ei urne eller ei kiste og kan så få namnet til den døde på ei minneplate på eit felles minnesmerke. Gravplassmyndigheita syter for planting framfor minnesmerket, men pårørande kan også setje lys i lyshaldarar på minnesmerket eller setje avskorne blomar i vasar avsett til dette.

Avgifter ved bruk av namna minnelund

Denne avgifta er ein eingongssum som inkluderer første minneplate med inskripsjon, samt planting og vedlikehald av felles gravminne på minnelunden i perioden med fri grav, dvs. første 20 år. Denne kostnaden kan samanliknast med kostnaden knytt til kjøp av gravstein på ei ordinær grav og seinare planting.

Det er i utgangspunktet eit namn og eit kort minneord per minneplate, men det er plass til to namn på same plate dersom ein ynskjer dette.

«Festeavgift»* på namna minnelund

* Festeavgift for urnegrav/kistegrav på Namna minnelund er litt annleis enn festeavgift for ei ordinær kistegrav. Her gjeld festeavgifta

a) å reservere ein fysisk plass på minnelunden i 20 år til setje ned ei urne/kiste attmed seinare

OG/ELLER
b) å halde av plass på minnesmerket til ei eiga, ekstra minneplate på felles minnesmerke.

Etter at dei første 20 åra har gått, vil pårørande kunne betale festeavgift vidare for fem år om gongen for å kunne ha minneplata ståande på felles minnesmerke. Det er ikkje aktuelt med gjenbruk av grav på Namna minnelund.

Avgift ved utanbygds gravlegging

Alle har rett på grav i den kommunen dei bur i. For personar som ikkje var busette (folkeregistrerte) i Sogndal kommune ved dødstidspunktet vert det kravd betaling av kostnadene ved gravinga. Det er gjort eit unntak frå denne regelen i Forskrift om gravplassvedtekter, Sogndal kommune, Vestland fylke §4: Avdøde personar som på grunn av sjukdom eller alderdom har budd i ein annan kommune mot slutten av livet, blir medrekna på same måte som kommunens eigne innbyggjarar, og har rett til fri grav så framt grava blir tilvist av gravplassmyndigheita.

Vedteke i sak 007/2019 i Kyrkjeleg fellesnemnd. Gjeldande frå 1.1.2020.

* på Kvamsøy kyrkjegard er kostnaden kr 8.500 på grunn av graving for hand.

Det vert ikkje kravd særskild festeavgift for graver ved utanbygds gravferd slik gravferds­forskrifta opnar for - fellesrådet har valt å ha same reglar for fri grav for utanbygds som for fastbuande.

MERK: For dei som vel kyrkjeleg gravferdshandling er det ikkje nokon kostnad knytt til den kyrkjelege tenesta eller bruken av kyrkja, sjølv om ein var «utanbygds».